Маусым 25, 2025
Цифрлық технологияларды енгізу: ҚазНИИЗиР қытайлық әріптестерден агродрон алды
Бүгін Қазақ егіншілік және өсімдік шаруашылығы ғылыми-зерттеу институты (ҚазНИИЗиР) базасында халықаралық Construction of China-Central Asia Agricultural Technology Sharing Center (Kazakhstan Branch) жобасын (жоба нөмірі: 2023E01024) жүзеге асыру аясында жоғары технологиялы жабдықты табыстау рәсімі өтті. Жоба Қытайдың озық аграрлық технологияларын Қазақстанға таныстыру мен енгізуге бағытталған.
Қытайлық делегация құрамында:
- Сай Лихан-Сай – жүгері өсіру технологиясы бөлімінің жетекшісі, бірлескен жобаның ғылыми жетекшісі,
- Ю Мин – ауылшаруашылық өнімдерін терең өңдеу бөлімінің жетекшісі,
- Ма Ян Мин – гендік ресурстарды жинау және сақтау бөлімінің жетекшісі
ҚазНИИЗиР-ге DJI Agras T50 агродроны толық жинақпен табысталды. Жинақ құрамында екі дана интеллектуалды i1560 батареясы мен DJI D12000iEP генераторы бар.
Бұл техника Қазақстанның аграрлық саласына цифрлық шешімдерді енгізуде жаңа мүмкіндіктер ашады. Дрондарды дәл егіншілік, егістіктерді бақылау және процестерді автоматтандыру үшін пайдалану – тұрақты әрі инновациялық ауыл шаруашылығына бет бұрудағы маңызды қадам.
Айта кету керек, осы жобаның аясында биыл көктемде Қытай тарапы институтқа тұқым сепкіш пен суару жүйесін қоса алғанда ауылшаруашылық техникасын сыйға тартқан болатын. Бұл қадамдар аграрлық саладағы берік ғылыми-техникалық ынтымақтастықты және озық тәжірибе алмасуға деген ұмтылысты көрсетеді.
ҚазНИИЗиР қытайлық серіктестерге отандық ауыл шаруашылығын цифрлық трансформациялауға қосқан үлесі үшін алғыс білдіреді және соңғы жаңалықтарды тәжірибеге енгізу бойынша белсенді жұмысын жалғастыра береді.